Azərbaycan Xalq Cümhuriyyətinin yaranmasının 100-cü ildönümü keçirildi.

Azərbaycan Xalq Cümhuriyyətinin yaranmasının 100-cü ildönümü münasibətilə yaranan hərəkatın əsas məqsədi ölkənin ictimai-siyasi, iqtisadi, elmi-mədəni və digər sahələrində tanınan nüfuzlu simaları bir dəyər ətrafında toplayaraq, müxtəlif istiqamətlərdə – xüsusilə dövlət və dövlətçilik istiqamətində beynəlxalq və yerli layihələrə imza atmaqdır.
Hərəkat 100 nəfər tanınmış, uğurlu, nüfuzlu şəxsdən ibarətdir.
19 mart 2018 tarixində Ictimai-siyasi xadimlərin, ədəbiyyat və mədəniyyət nümayəndələrinin, millət vəkillərinin, iş adamlarının iştirakı ilə hərəkatın təsis konfransı keçirilib.
Birliyimizin sədri və hərəkatın üzvü Nigar Ələsgərova hərəkat haqqında konfrans iştirakçılarına məlumat verib. Daha sonra millət vəkilləri çıxış edərək “2018 Hərəkatı”nın elan olunmasını yüksək qiymətləndiriblər.
Təsis konfransında aprelin 11-də ölkəmizdə keçiriləcək prezident seçkilərində #prezident #İlhamƏliyevin namizədliyinin dəstəklənməsi məqsədilə #müraciət oxunub.