“Gəncə-2016″ Avropalı Gənc Yazarların Hekayələrində”-rəsmi açılış

“Odlar Yurdu” Gənclər İctimai Birliyi növbəti dəfə Avropanın 2016-cı ildə Gənclər Paytaxtı seçilmiş Gəncə şəhərində beynəlxalq layihə həyata keçirir. Azərbaycan Gənclər Fondunun dəstəyi ilə baş tutan “Gəncə-2016” Avropalı gənc yazarların hekayələrində” adlı beynəlxalq layihənin əsas məqsədi “Gəncə 2016 “Avropa Gənclər Paytaxtı” statusunun təbliğ olunmasına xidmət etməkdir. “Gəncə-2016” Avropalı gənc yazarların hekayələrində” layihəsinin tərəfdaş qurumları AR Mədəniyyət və Turizm Nazirliyi, Gəncə şəhər İcra Hakimiyyəti, Gəncə şəhər Gənclər və İdman Baş İdarəsidir.
Layihənin açılış mərasimi 26 noyabr tarixində Gəncə şəhərində təntənəli keçirilib. Tədbirdə Azərbaycan Prezident Administrasiyasının ictimai-siyasi məsələlər şöbəsinin Gənclər təşkilatları ilə iş sektorunun müdiri Vüsal Quliyev, Azərbaycan Gənclər Fondunun Layihələr və regionlarla iş sektorunun müdiri Vaqif Seyidbəyov, Millət Vəkili Pərvin Kərimzadə, Gəncə şəhər İcra Hakimiyyəti Başçısının müavini Sevda Qurbanəliyeva, Gəncə şəhər Mədəniyyət və Turizm İdarəsinin rəisi Sənan Hacıyev, “İrəli” İctimai Birliyinin sədri Mirhəsən Seyidov, Türkiyə və Gürcüstan Respublikasının Gəncə şəhərindəki Baş Konsulları, ali təhsil müəssisələrinin rəhbərliyi, gənclər təşkilatları rəhbərləri, şəhər ictimaiyyəti, fəal gənclər və tələbələr iştirak etmişlər. Layihəyə 13 ölkədən (Almaniya, Böyük Britaniya Krallığı, Türkiyə, Polşa, Litva, Makedoniya, Gürcüstan, Moldova, Çexiya , Rusiya, İtaliya, Azərbaycan, Ukrayna) ümumilikdə 35 gənc yazar, jurnalist, bloger və aktiv gənclər dəvət olunub. Layihə müddətində dəvət olunmuş gənclərə Azərbaycan həqiqətləri, gənclər siyasəti, qazanılan uğurlar, ölkədə həyata keçirilən mötəbər beynəlxalq və yerli layihələr və s. haqqında geniş məlumatlar veriləcək.
“Odlar Yurdu” Gənclər İctimai Birliyinin sədri Nigar Ələsgərovanın sözlərinə görə gənc fəallar çəkdikləri fotolar, hekayə və məqalələri vasitəsi ilə Azərbaycanın – Gəncə şəhərinin təbliğinə xidmət etmiş olacaqlar. Beləki, layihənin şərtlərinə görə layihə iştirakçıları 5 gün müddətində müxtəlif görüşlər və təqdimatlarda iştirak edir, ekskursiya və gəzintilərdə Gəncənin 4000 illik tarixi , Avropa Gənclər Paytaxtı seçilməsi və s. haqqında ətraflı məlumatlar əldə edirlər. Eyni zamanda onlara xarici dildə müxtəlif kitablar, braşürlər və s. təqdim olunacaq. Layihənin son günündə iştirakçı gənclər yazdıqları hekayələri, məqalə və bloqları təqdim edirlər. Daha sonra hər bir iştirakçı təəsüratlarını və yazdığı məqalələri idarə etdiyi xəbər saytlarında, blog və sosial şəbəkələrdə izləyicilərinə təqdim edirlər. Avropa gənci 2016-ci ildə Paytaxt şəhərini və dolayısı ilə Azərbaycanı tanımış olur. Layihə rəhbərinin sözlərinə görə digər ölkələrdə Azərbaycanın tanıdılması prosesində onların özlərindən istifadə vasitəsi daha effektiv nəticə əldə olunmasına zəmin yaradır.
Layihə cari ilin 25 noyabr – 1 dekabr tarixləri əhatə edir